Maxfiylik siyosati

2. Qanday ma'lumot yig'amiz

Ma'lumotlar to'rt guruhga bo'linadi. Har biri alohida saqlanadi va quyida har biri uchun aynan qaysi maydonlar yozilishi sanab o'tilgan.

2.1. Akkaunt ma'lumotlari

Siz ro'yxatdan o'tayotganda o'zingiz kiritasiz:

• ism va familiya
• email manzil
• parolning kriptografik xeshi (parolning o'zi hech qachon saqlanmaydi)
• kabinetni qaysi tilda o'qishingiz

Biznes profilini to'ldirganingizda qo'shimcha ravishda:

• biznes nomi va faoliyat turi
• mamlakat, valyuta va vaqt mintaqasi

Reklama tayyorlayotganingizda:

• reklama uchun yuklagan rasm va videolaringiz - Meta'ga yetib borguncha serverimizda vaqtincha saqlanadi
• rasm va videolar haqida yozgan matningiz: nimani taklif qilayotganingiz, narxi, manzili

2.2. Meta orqali olinadigan ma'lumotlar

Siz Facebook orqali kirib, reklama akkauntingizga ruxsat berganingizdan keyin Meta Marketing API orqali quyidagilarni o'qiymiz:

• Meta hisobingizning identifikatori va bizga bergan ruxsatlaringiz ro'yxati
• reklama akkauntining identifikatori, nomi, valyutasi, vaqt mintaqasi, holati va sarf chegarasi
• reklama akkauntining media kutubxonasidagi rasm va videolar: nomi, havolasi, o'lchami va qaysi reklamalarda ishlatilayotgani
• Facebook sahifasining identifikatori, nomi va sahifa sozlamalarida ko'rsatilgan joylashuvi
• sahifangizga ulangan Instagram professional akkauntining identifikatori va foydalanuvchi nomi
• shu Instagram akkauntidagi postlar: matni, turi, rasm yoki video havolasi, kichik rasmi, post havolasi, joylangan sanasi va Meta uni reklama qilishga ruxsat beradimi
• Facebook sahifangizdagi postlar: matni, rasmi, havolasi va joylangan sanasi
• piksel identifikatori, nomi va oxirgi hodisa vaqti
• kampaniya, reklama guruhi va reklamalarning nomi, holati, byudjeti va auditoriya sozlamalari
• statistika: sarflangan mablag', ko'rsatishlar, bosishlar, konversiyalar va lidlar soni
• lid formalarining tuzilishi va ulardagi savollar
• reklama akkauntining sozlamalari va cheklovlari
• Meta yuborgan xabarnomaning xom ko'rinishi - yangi lid kelganini bildiruvchi texnik xabar

Bunga kirish uchun ikkita ruxsat belgisi (access token) ishlatiladi: biri reklama akkauntiga, ikkinchisi sahifaga. Ikkalasi ham ma'lumotlar bazasida shifrlangan holda saqlanadi va faqat Meta'ga so'rov yuborilayotganda ochiladi. Shaxsiy Facebook profilingiz, do'stlaringiz ro'yxati va shaxsiy xabarlaringizga biz kira olmaymiz va so'ramaymiz.

Instagram postlari reklama yaratishda, rasm tanlash qadamida ko'rsatiladi: siz tanlagan post reklamaga aylanadi. Instagram ma'lumotlarini o'qishga ruxsat berish ixtiyoriy - bermasangiz, bu qadamda postlaringiz chiqmaydi, xizmatning qolgan qismi esa odatdagidek ishlaydi. Instagram'dagi izohlar, statistika va shaxsiy xabarlarga (Direct) kirish so'ramaymiz.

Reklama uchun yuklagan rasm va videongiz reklama akkauntingizning Meta media kutubxonasiga joylanadi va keyingi reklamalarda ham ishlatilishi mumkin. Rasm tanlash qadamidagi «O'chirish» tugmasi uni kutubxonadan o'chiradi; biror reklamada ishlatilayotgan fayl o'chirilmaydi. Kutubxonadagi fayllar reklama akkauntingizga tegishli: xizmatdan chiqsangiz ham ular Meta'da qoladi va Ads Manager'dan o'chirilishi mumkin.

2.3. Lid ma'lumotlari

Bu - sizning reklamangizni ko'rgan va Facebook yoki Instagramdagi formani to'ldirgan uchinchi shaxslarning ma'lumotlari. Ular quyidagini o'z ichiga oladi:

• ism
• telefon raqam
• email manzil
• shahar yoki hudud, agar formada so'ralgan bo'lsa
• biznes o'zi qo'shgan qo'shimcha savollarga berilgan javoblar
• forma to'ldirilgan sana va vaqt hamda qaysi reklamadan kelgani

Bu ma'lumotlarning egasi - reklama beruvchi biznes. Biz ularni faqat shu biznes nomidan saqlaymiz va yetkazamiz. Lid ma'lumotlari hech qachon sotilmaydi, ijaraga berilmaydi va reklama maqsadida uchinchi tomonlarga uzatilmaydi.

2.4. Texnik ma'lumotlar

Xizmatga kirganingizda server jurnallariga so'rov vaqti, sahifa manzili, brauzer turi va IP manzil yoziladi. Bu jurnallar faqat xavfsizlik va nosozliklarni aniqlash uchun ishlatiladi. Ular hajmi bo'yicha aylanadi: eskisi yangisi bilan almashib, o'zi o'chib boradi.

2.5. Google orqali olinadigan ma'lumotlar

Faqat lidlarni Google jadvalga yozishni o'zingiz yoqsangiz. Google hisobingiz bilan kirganingizda biz ikki narsa olamiz: email manzilingizni - qaysi hisob ulanganini ko'rsatish uchun, va bitta ruxsatni - faqat biz yaratgan jadvalga yozish uchun.

Bu ruxsat Google Drive'ingizdagi boshqa fayllarni ko'rish, o'qish yoki o'zgartirishga yo'l bermaydi: biz faqat o'zimiz yaratgan «TargetologAI — Mijozlar» jadvalini ko'ramiz. Unga yangi lidlarning ismi, telefoni, emaili, shahri, forma javoblari va qaysi reklamadan kelgani yoziladi.

3. Nima uchun yig'amiz

Har bir guruh aniq maqsad uchun ishlatiladi:

• Akkaunt ma'lumotlari - sizni tanish, tizimga kiritish, obuna holatini yuritish va siz bilan bog'lanish uchun.
• Meta ma'lumotlari - reklamani yaratish, to'xtatish, byudjetini o'zgartirish va natijani sizga ko'rsatish uchun. Statistika asosida tizim qaysi reklama yaxshi ishlayotganini aniqlaydi va takliflar beradi.
• Lid ma'lumotlari - mijoz murojaatini sizga yetkazish va kabinetda ko'rsatish uchun.
• Google ma'lumotlari - lidlarni o'zingiz ulagan Google jadvalga yozish va qaysi Google hisob ulanganini ko'rsatish uchun.

Biz ma'lumotlaringiz asosida sizga begona kompaniyalarning reklamasini ko'rsatmaymiz va profil qurmaymiz.

4. Huquqiy asos

Akkaunt va Meta ma'lumotlarini qayta ishlashning asosi - siz bilan tuzilgan shartnomani bajarish: bu ma'lumotlarsiz xizmat ishlay olmaydi. Reklama akkauntingizga ulanish esa alohida, aniq ifodalangan rozilikka asoslanadi va uni istalgan payt Facebook sozlamalaridan qaytarib olishingiz mumkin.

Lid ma'lumotlariga nisbatan biz qayta ishlovchi sifatida ish ko'ramiz: ularning egasi va ular uchun javobgar tomon - reklama beruvchi biznes. Bu ma'lumotlarni qonuniy asosda to'plash va ishlatish uning majburiyatidir.

5. Qancha saqlaymiz

Ma'lumot akkauntingiz mavjud bo'lgan davrda saqlanadi. Muddati o'tgach o'zi o'chiradigan jadval yo'q - o'chirish so'rov bo'yicha bajariladi va buni qanday so'rash 10-bo'limda yozilgan. Ikkita istisno pastdagi jadvalda alohida belgilangan: ular haqiqatan ham o'z-o'zidan o'chadi.

Meta o'z tomonida lid ma'lumotlarini 90 kun saqlaydi. Shu sababli biz har kuni sverka o'tkazamiz - shunda birorta murojaat yo'qolmaydi.

Google jadvalingizga yozilgan lidlar sizning faylingizda qoladi: u fayl Google Drive'ingizda turadi va biz uni o'chirmaymiz. Jadvalni uzsangiz yoki bizda ma'lumot o'chirilsa ham, jadval sizda qoladi - uni o'zingiz boshqarasiz.

6. Kim ko'ra oladi

Har bir mijozning ma'lumotlari ma'lumotlar bazasida alohida ajratilgan. Har bir so'rov akkaunt egasi bo'yicha filtrlanadi, shuning uchun bir mijoz boshqasining reklamasi yoki lidlarini ko'ra olmaydi.

• Siz - o'z akkauntingizdagi barcha ma'lumotlarni ko'rasiz. Xizmat hozircha bitta foydalanuvchi uchun ishlaydi: akkauntga boshqa odamni taklif qilish imkoni yo'q.
• Bizning xodimlarimiz - faqat siz qo'llab-quvvatlashga murojaat qilganingizda va faqat muammoni hal qilish uchun zarur bo'lgan qismini ko'radi. Ular kiritgan har qanday o'zgarish jurnalga yoziladi.

7. Uchinchi tomonlar

Ma'lumotlaringiz quyidagi xizmatlarga va faqat quyida ko'rsatilgan maqsadda uzatiladi. Bu ro'yxatdan tashqari hech kimga berilmaydi va hech kimga sotilmaydi.

Google'ga lidlar faqat siz Google jadvalni ulaganingizdan keyin va faqat o'sha jadvalga yozish uchun yuboriladi. Ruxsatni istalgan payt kabinetdan yoki Google hisobingiz sozlamalaridan olib tashlashingiz mumkin. Google API'laridan olingan ma'lumotdan foydalanishimiz va uni boshqa ilovalarga uzatishimiz Google API Services User Data Policy talablariga, jumladan Limited Use talablariga mos keladi.

Sentry'ga shaxsiy ma'lumot yuborilmaydi: xato hisobotlariga foydalanuvchi ma'lumotlarini biriktirish sozlamalarda o'chirib qo'yilgan.

Anthropic'ga faqat reklamani tayyorlash va tahlil qilish uchun kerakli ma'lumot yuboriladi: biznes profilingiz, rasm va videolar haqida yozgan matningiz, reklama statistikasi, targeting sozlamalari, post matnlari va sun'iy intellektga o'zingiz yozgan savollar. Rasm va videolarning o'zi yuborilmaydi. Lidlarning ismi, telefoni va boshqa shaxsiy ma'lumotlari yuborilmaydi.

8. Ma'lumotlarning chegaradan tashqariga uzatilishi

Meta serverlari O'zbekiston Respublikasidan tashqarida joylashgan. Reklamangizni boshqarish va lidlarni olish uchun ma'lumot almashinuvi shu serverlar bilan amalga oshiriladi - bu xizmatning ishlash usulidan kelib chiqadi.

Barcha almashinuv shifrlangan kanal (HTTPS) orqali o'tadi. Meta tomonidan ma'lumotlarni qayta ishlash Meta'ning o'z maxfiylik siyosati bilan tartibga solinadi.

Sun'iy intellekt funksiyalari uchun 7-bo'limda sanalgan ma'lumotlar Anthropic serverlariga (AQSh) ham shifrlangan kanal orqali yuboriladi. Ularni qayta ishlash Anthropic'ning o'z shartlari bilan tartibga solinadi.

Google jadvalni ulasangiz, lidlar ma'lumoti o'sha jadvalga yozish uchun Google serverlariga (AQSh) ham shifrlangan kanal orqali yuboriladi. Ularni qayta ishlash Google'ning o'z maxfiylik siyosati bilan tartibga solinadi.

9. Sizning huquqlaringiz

Istalgan payt quyidagilarni so'rashingiz mumkin:

• sizda qanday ma'lumot saqlanayotganini ko'rish
• noto'g'ri ma'lumotni tuzatish
• ma'lumotni o'chirish
• ma'lumotni fayl ko'rinishida yuklab olish
• reklama akkauntiga berilgan ruxsatni qaytarib olish
• qayta ishlashga e'tiroz bildirish

So'rovingizga 30 kun ichida javob beramiz. Murojaat uchun: abdullamn1996@gmail.com.

10. Ma'lumotni o'chirish

O'chirishni ikki yo'l bilan so'rashingiz mumkin: saytdagi forma orqali yoki Facebook sozlamalaridan ilovani o'chirib. Ikkala holatda ham so'rov qayd etiladi va sizga tasdiqlash kodi beriladi. O'chirishni xodimimiz qo'lda bajaradi - 30 kun ichida. Shu kod bo'yicha so'rovingiz qay holatdaligini istalgan payt tekshirishingiz mumkin.

O'chirish so'rovini yuborish

11. Cookie fayllar

Saytda faqat ishlash uchun zarur cookie fayllar ishlatiladi. Reklama va kuzatuv cookie'lari yo'q, uchinchi tomon analitikasi yo'q.

• sessiya cookie'si - tizimga kirganingizni eslab qolish uchun
• til cookie'si - tanlagan tilingizni eslab qolish uchun
• CSRF cookie'si - formalarni soxtalashtirishdan himoya qilish uchun

Yorug' yoki qorong'i rejim tanlovi cookie'da emas, brauzeringizning o'z xotirasida (localStorage) saqlanadi va serverga yuborilmaydi.

12. Yosh chegarasi

Xizmat 18 yoshdan kichiklar uchun mo'ljallanmagan va biz ulardan ataylab ma'lumot yig'maymiz. Agar bunday ma'lumot xatolik bilan tushganini aniqlasak, uni o'chiramiz.

13. Siyosatdagi o'zgarishlar

Siyosat o'zgarganda ushbu sahifadagi "oxirgi yangilanish" sanasini yangilaymiz. Sizga tegishli jiddiy o'zgarish bo'lsa - masalan yangi turdagi ma'lumot yig'ila boshlasa yoki saqlash muddati uzaysa - kamida 14 kun oldin email orqali xabar beramiz.

14. Aloqa

Maxfiylik bo'yicha har qanday savol, shikoyat yoki so'rov uchun biz bilan bog'laning:

• «HUNTER SALLERS» MChJ, STIR 311 076 944
• Toshkent sh., Shayxontohur tumani, Kunchilar ko'chasi, 24
• abdullamn1996@gmail.com
• +998 97 130 01 23